மீண்டும் மிதிவண்டி

***

கீரனூர், கருவேப்பிலங்குறிச்சி, பள்ளிகளில் படித்த போது மிதிவண்டியில்தான் தினசரி செல்வோம். பேருந்து வராத நாட்களில் விருத்தாசலம் பள்ளிக்கும் மிதிவண்டியில் சென்றதுண்டு. தொழூர் பள்ளியில் பணியில் சேர்ந்து நான்கு ஆண்டுகள் சைக்கிளில்தான் சென்றேன்.

மோட்டார் சைக்கிள் ஓட்டத் தொடங்கிய பிறகு சைக்கிள் துருப்பிடித்துப் போனது. கடந்த ஒன்றரை ஆண்டுகளாக மீண்டும் மிதிவண்டி ஓட்டத் தொடங்கி பல சவால்களில் பங்கேற்று வெற்றி பெற்றது ஊக்கம் அளித்து வருகிறது. "நாங்கள் சென்னை மிதிவண்டி குழுவில்" ( WCCG -  We are Chennai Cycling group) இணைந்து இரண்டு சவால்களில் கலந்து கொண்டோம். இதற்கு தூண்டியவர்கள் மருத்துவர்கள் நவீன், பார்த்திபன், விஜய் மற்றும் திரு. சுதாகர். ஐந்து பேரும் சேர்ந்து ஒரு மாதத்தில் 5000 கி.மீ. ஓட்ட வேண்டும். மற்றொரு சவால், பணி நிமித்தம் வெளியில் செல்லும்போது சைக்கிளில் செல்ல வேண்டும். கடைக்கோ நண்பர்களை சந்திக்கவோ அலுவலகத்திற்கோ செல்லும் போது மோட்டார் சைக்கிளுக்கு பதிலாக சைக்கிளைப் பயன்படுத்துவது. இது எனக்கு மிகவும் விருப்பமான சவாலாக இருந்தது. வீட்டிலிருந்து கடைகள் ஒரு கி.மீ. தொலைவில் உள்ளன. தினம் ஒரு முறையாவது கடைக்கு செல்ல வேண்டிய நிலை ஏற்படும். ஒரு நாளைக்கு குறைந்தது இரண்டு கி.மீ. என்றால் ஓராண்டுக்கு 730 கி.மீ. ஓராண்டுக்கு 20 லி. பெட்ரோலை சேமிக்க வாய்ப்பு. எனவே இந்த சவாலில் கலந்துகொண்டு கடைகளுக்கு சைக்கிளில் செல்லத் தொடங்கியுள்ளேன். இதனைப் பாராட்டி சென்னை குழுவினரின் அன்பளிப்பு அழகான டி-சர்ட் மற்றும் நினைவுப் பரிசு. இவற்றை பொறுப்பாக அனுப்பி வைத்த சகோதரி பிரியங்கா அவர்களுக்கு நன்றி.

மீண்டும் மிதிவண்டி ஓட்டத் தொடங்குவோம் நம்மால் இயன்ற வரை சுற்றுச் சூழலை பாதுகாப்போம்.

நன்றி:WCCG

#commutebicycle #wccg #we_too_share_the_road

#chennai_cyclists #மீண்டும்_மிதிவண்டி

#commute_bi_cycle_challenge2022

#Epic_commuter!

Pc:Dr.G.Sundaraselvan

+2

See Insights and Ads

Promote

All reactions:

81Pa U Thendral, Thiyaga Sekar and 79 others

ஆள் பாதி ஆடை பாதி

***

ஒவ்வொருவரையும் முழுமையான மனிதனாக்குவதில் ஆடைகளின் பங்கு இன்றியமையாதது.

நாம் அணிந்து கொள்ளும் ஆடை நமக்கு கம்பீரம் அளிப்பதாகவும் தன்னம்பிக்கை தரக்கூடியதாகவும் இருக்க வேண்டும். சைக்கிள் ஓட்டத் தொடங்கிய நாளிலிருந்து அது தொடர்பான தகவல்களையும் படங்களையும் தேடித் தேடிப் பார்ப்பேன். பலரும் சிறப்பான சைக்ளிங் ஜெர்சி அணிந்திருப்பார்கள். நாமும் இதுபோல் அணியவேண்டும் என்று எண்ணி அதற்கான தேடுதலில், தேர்ந்தெடுப்பதில் நண்பர்களின் உதவியை நாடினால் அவர்களோ நம்மை மேலும் குழப்பி விடுவார்கள். இதற்கு சிறந்த தீர்வாக அண்மையில் கிடைத்தன ஒரு ஜெர்சியும் ஒரு டி சர்ட்டும் . வழங்கியவர்கள் கடலூர் ரைடர்ஸ் கம்யூனிட்டி. தரமான துணி, நேர்த்தியான வடிவமைப்பு, பொருத்தமான அளவு, சிறந்த தையல் அழகான நிறங்களின் கலவை என பார்த்து பார்த்து வடிவமைத்துள்ளனர். பொதுவாக உடம்பின் அழுக்கு ஆடையில் ஒட்டிக் கொள்வது இரண்டு இடங்களில்தான் அவை கழுத்துப் பகுதியும் கைகளின் விளிம்புகளும்தான். அது வெள்ளை நிற ஆடையின் கம்பீரத்தைக் குறைத்து விடும். இவற்றை கவனத்தில் கொண்டு இதற்கு தீர்வு காணும் வகையில் அண்மையில் வழங்கிய வெள்ளை நிற டி சர்ட்டில் கழுத்து, கைகளின் விளிம்புகளில் நீல நிற துணியை வைத்து தைத்திருப்பது வடிவமைப்பாளர்களின் பட்டறிவுக்கு நற்சான்று. அது சட்டைக்கு மேலும் அழகூட்டுகிறது. இலைகள் அதிகப்படியாக உறிஞ்சிய நீரை வெளியேற்றுவதற்கு கண்ணுக்கு தெரியாத நுண்ணிய இலைத் துளைகளை இயற்கை வழங்கி உள்ளது. அது போலவே சைக்கிள் ஓட்டும் போது சுரக்கும் அதிகமான வியர்வையை வெளியேற்றும் வகையில் கண்ணுக்குத் தெரியாத நுண் துளைகள் இந்த ஆடைகளில் உண்டு. இதனை சிறப்பாக உருவாகிய ஆக்டிவ் பல்ஸ் நிறுவனத்திற்கு பாராட்டுகள்.

கடலூரில் நடைபெற்ற விழாவில் பங்கேற்று எனது பக்கத்தையும் ஆடையையும் பெற்றுக் கொண்டு என்னிடம் வழங்கிய நண்பர் சித்த மருத்துவர் பார்த்திபன் அவர்களுக்கு நன்றி.

#crc #vdmc #wccg #cycleworld #activepulce #toronto #msocycleshowroom #consistent_riding_challange

Thanks for Mr. Vijayakumar&team

Pc: Dr.G.Sundaraselvan

See Insights and Ads

Promote

All reactions:

163Pa U Thendral, Thanga Velmurugan and 161 others